jazbaat ke sholon ko daba kyon nahin lete
jazbāt ke sho'loñ ko dabā kyoñ nahīñ lete
rusvā.iyoñ se ḳhud ko bachā kyoñ nahīñ lete
iflās agar bār-e-garāñ hai to ‘azīzo
ye bojh bhī mil-jul ke uThā kyoñ nahīñ lete
kab tak raheñge pyāse zamāne ke ye maikash
saaqī ko salīqe se manā kyoñ nahīñ lete
sūkhe hue jismoñ kā lahū chūsne vaale
pyaas apne hī jismoñ se bujhā kyoñ nahīñ lete
bikhre hue gulshan kī shikāyat hai sabhī ko
gulshan hī nayā mil ke banā kyoñ nahīñ lete
nikle haiñ zamāne ke añdheroñ ko miTāne
vo dil ke añdheroñ ko miTā kyoñ nahīñ lete
ahbāb 'ajab log haiñ jo aap ko 'sābir'
apnā to samajhte haiñ banā kyoñ nahīñ lete
jazbaat ke sho'lon ko daba kyon nahin lete
ruswaiyon se KHud ko bacha kyon nahin lete
iflas agar bar-e-garan hai to ‘azizo
ye bojh bhi mil-jul ke uTha kyon nahin lete
kab tak rahenge pyase zamane ke ye maikash
saqi ko saliqe se mana kyon nahin lete
sukhe hue jismon ka lahu chusne wale
pyas apne hi jismon se bujha kyon nahin lete
bikhre hue gulshan ki shikayat hai sabhi ko
gulshan hi naya mil ke bana kyon nahin lete
nikle hain zamane ke andheron ko miTane
wo dil ke andheron ko miTa kyon nahin lete
ahbab 'ajab log hain jo aap ko 'sabir'
apna to samajhte hain bana kyon nahin lete
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.