jazbon ki qadr-o-qimat waisi nahin rahi

jazboñ kī qadr-o-qīmat vaisī nahīñ rahī

phir yuuñ huā mohabbat sachchī nahīñ rahī

maiñ bhī to zindagī se uktā gayā bahut

us kī bhī ab tamannā koī nahīñ rahī

mujh ko sila vafā kā milnā to thā yahī

ab soch jo tumhārī kachchī nahīñ rahī

andāz-e-guftugū bhī lahje badal ga.e

koī zabāñ kahīñ ab mīThī nahīñ rahī

nazroñ se apnī ham ne ḳhud ko girā diyā

itnā ki shaan apnī ūñchī nahīñ rahī

phir ye ki ham 'mubārak' anjān ho ga.e

pahchān bhī hamārī apnī nahīñ rahī

jazbon ki qadr-o-qimat waisi nahin rahi

phir yun hua mohabbat sachchi nahin rahi

main bhi to zindagi se ukta gaya bahut

us ki bhi ab tamanna koi nahin rahi

mujh ko sila wafa ka milna to tha yahi

ab soch jo tumhaari kachchi nahin rahi

andaz-e-guftugu bhi lahje badal gae

koi zaban kahin ab miThi nahin rahi

nazron se apni hum ne KHud ko gira diya

itna ki shan apni unchi nahin rahi

phir ye ki hum 'mubarak' anjaan ho gae

pahchan bhi hamari apni nahin rahi