jazire hon ki wo sahra hon KHwab hona hai

jazīre hoñ ki vo sahrā hoñ ḳhvāb honā hai

samundaroñ ko kisī din sarāb honā hai

savāl pūchhne vaalo tumheñ bhī āḳhir-e-kār

rahīn-e-minnat-e-bār-e-javāb honā hai

khañDar meñ baiTh ke rone kī ḳhū nahīñ jaatī

tumhārī aañkh pe shāyad azaab honā hai

vo zulmateñ jo ujāloñ ke ghar meñ rahtī haiñ

unheñ bhī misl-e-sahr be-naqāb honā hai

vo din jo niilī kitāboñ meñ band hai us ko

abhī to mere liye be-hijāb honā hai

abhī to ḳhvāhish-e-be-dast-o-pā salāmat hai

abhī kuchh aur ye ḳhāna-ḳharāb honā hai

ye shāḳh shāḳh parinde pukārte haiñ 'matīn'

hameñ to shāḳh se gir kar gulāb honā hai

jazire hon ki wo sahra hon KHwab hona hai

samundaron ko kisi din sarab hona hai

sawal puchhne walo tumhein bhi aaKHir-e-kar

rahin-e-minnat-e-bar-e-jawab hona hai

khanDar mein baiTh ke rone ki KHu nahin jati

tumhaari aankh pe shayad azab hona hai

wo zulmaten jo ujalon ke ghar mein rahti hain

unhen bhi misl-e-sahr be-naqab hona hai

wo din jo nili kitabon mein band hai us ko

abhi to mere liye be-hijab hona hai

abhi to KHwahish-e-be-dast-o-pa salamat hai

abhi kuchh aur ye KHana-KHarab hona hai

ye shaKH shaKH parinde pukarte hain 'matin'

hamein to shaKH se gir kar gulab hona hai