jhil mein chand muskuraata hai

jhiil meñ chāñd muskurātā hai

ye mujhe kaun yaad aatā hai

vo milātā hai jab nazar se nazar

barf meñ aag sī lagātā hai

jab se vo ruuTh sā gayā mujh se

merī āñkhoñ meñ muskurātā hai

āj-kal dekh kar mirī jānib

vo na.e giit gungunātā hai

koī chhūtā hai jab badan merā

vaqt nashshe meñ Duub jaatā hai

dil se hotī hai duur har kulfat

jab vo mere qarīb aatā hai

achchhī lagtī huuñ maiñ use shāyad

rabt mujh se jo vo baḌhātā hai

aur khiltī hai haath meñ mehñdī

muhr-e-bosa jo vo lagātā he

jhil mein chand muskuraata hai

ye mujhe kaun yaad aata hai

wo milata hai jab nazar se nazar

barf mein aag si lagata hai

jab se wo ruTh sa gaya mujh se

meri aankhon mein muskuraata hai

aaj-kal dekh kar meri jaanib

wo nae git gungunata hai

koi chhuta hai jab badan mera

waqt nashshe mein Dub jata hai

dil se hoti hai dur har kulfat

jab wo mere qarib aata hai

achchhi lagti hun main use shayad

rabt mujh se jo wo baDhata hai

aur khilti hai hath mein mehndi

muhr-e-bosa jo wo lagata he