jhonka hawa ka adh-khuli khiDki tak aa na jae

jhoñkā havā kā adh-khulī khiḌkī tak aa na jaa.e

jiine kā us ko koī salīqa sikhā na jaa.e

kankar se chaknā-chūr hai sayyāl aa.ina

qirtās-e-mauj kā koī likkhā miTā na jaa.e

'uryāñ khaḌī huī ye siyah sī pahāḌ shab

sūraj kī infi.ālī nazar ko jhukā na jaa.e

jab se huī hai merī zabāñ zahr-āshnā

amrit kā ek ghūñT bhī mujh se piyā na jaa.e

gardish meñ āsmān mirā saath de magar

merī hatheliyoñ kī lakīreñ miTā na jaa.e

kal ik 'ajīb vāqi'a guzrā 'shakeb-ayāz'

sochūñ to ḳhud pe ḳhuub hañsūñ aur kahā na jaa.e

jhonka hawa ka adh-khuli khiDki tak aa na jae

jine ka us ko koi saliqa sikha na jae

kankar se chakna-chur hai sayyal aaina

qirtas-e-mauj ka koi likkha miTa na jae

'uryan khaDi hui ye siyah si pahaD shab

suraj ki infiali nazar ko jhuka na jae

jab se hui hai meri zaban zahr-ashna

amrit ka ek ghunT bhi mujh se piya na jae

gardish mein aasman mera sath de magar

meri hatheliyon ki lakiren miTa na jae

kal ek 'ajib waqi'a guzra 'shakeb-ayaz'

sochun to KHud pe KHub hansun aur kaha na jae