jhulse hue sahra mein shajar dekh raha hun

jhulse hue sahrā meñ shajar dekh rahā huuñ

ummīd ke gulshan meñ sahar dekh rahā huuñ

jalvoñ kī tajallī kā talabgār hai ye dil

tū husn kā paikar hai nazar dekh rahā huuñ

har samt mohabbat ke na.e baab likhe haiñ

bas ḳhvāb se manzar haiñ jidhar dekh rahā huuñ

ik ḳhvāb kī tā'bīr hai darkār musalsal

ik aag kā dariyā hai safar dekh rahā huuñ

jaate hue logoñ ko tum āvāz na denā

ye hijr ke maare haiñ Dagar dekh rahā huuñ

vo shaḳhs mohabbat meñ ḳhatā-kār huā hai

har shaḳhs ke hoñToñ pe ḳhabar dekh rahā huuñ

har gaam haiñ rāhoñ meñ siyāsat ke bavanDar

mushkil meñ hai har ek bashar dekh rahā huuñ

kaisā hai sitam yaaro hai ye zarf bhī kaisā

jaltā huā apnā hī maiñ ghar dekh rahā huuñ

'ābid' tujhe ulfat kī tamanna hī nahīñ ab

kab se maiñ tirī samt-e-guzar dekh rahā huuñ

jhulse hue sahra mein shajar dekh raha hun

ummid ke gulshan mein sahar dekh raha hun

jalwon ki tajalli ka talabgar hai ye dil

tu husn ka paikar hai nazar dekh raha hun

har samt mohabbat ke nae bab likhe hain

bas KHwab se manzar hain jidhar dekh raha hun

ek KHwab ki ta'bir hai darkar musalsal

ek aag ka dariya hai safar dekh raha hun

jate hue logon ko tum aawaz na dena

ye hijr ke mare hain Dagar dekh raha hun

wo shaKHs mohabbat mein KHata-kar hua hai

har shaKHs ke honTon pe KHabar dekh raha hun

har gam hain rahon mein siyasat ke bawanDar

mushkil mein hai har ek bashar dekh raha hun

kaisa hai sitam yaro hai ye zarf bhi kaisa

jalta hua apna hi main ghar dekh raha hun

'abid' tujhe ulfat ki tamanna hi nahin ab

kab se main teri samt-e-guzar dekh raha hun