jidhar bhi jaun yahi silsila nikalta hai

jidhar bhī jā.ūñ yahī silsila nikaltā hai

tumhāre ghar kī taraf rāsta nikaltā hai

maiñ ek umr se un dā.eroñ kā qaidī huuñ

qadam jahāñ bhī rakhūñ dā.era nikaltā hai

maiñ āzmāne chalā huuñ jahāñ pe jins-e-ḳhulūs

nazar nazar se vahāñ zahr sā nikaltā hai

jo shaḳhs jaan se pyārā ho shaiḳh sāhab ko

qasam ḳhudā kī vahī dahriyā nikaltā hai

tumhāre shahr meñ kyā kar rahe haiñ mere log

galī galī se mirā āshnā nikaltā hai

vahī to shahr hai 'ḳhālid' naqāb-poshoñ kā

har āstīñ se jahāñ aa.ina nikaltā hai

jidhar bhi jaun yahi silsila nikalta hai

tumhaare ghar ki taraf rasta nikalta hai

main ek umr se un daeron ka qaidi hun

qadam jahan bhi rakhun daera nikalta hai

main aazmane chala hun jahan pe jins-e-KHulus

nazar nazar se wahan zahr sa nikalta hai

jo shaKHs jaan se pyara ho shaiKH sahab ko

qasam KHuda ki wahi dahriya nikalta hai

tumhaare shahr mein kya kar rahe hain mere log

gali gali se mera aashna nikalta hai

wahi to shahr hai 'KHalid' naqab-poshon ka

har aastin se jahan aaina nikalta hai