ji bahalta hai mohabbat mein kahin hamdam ghalat
ji bahalta hai mohabbat mein kahin hamdam ghalat
Mohammad Lutfuddin Khan Lutf
MORE BYMohammad Lutfuddin Khan Lutf
jī bahaltā hai mohabbat meñ kahīñ hamdam ġhalat
kahne sunñe se bhī hotā hai kisī kā ġham ġhalat
aisī bātoñ kī tavaqqo' rakhiyegā aġhyār se
jhuuT ham kahte haiñ tum se baat koī ham ġhalat
us ne merā qissa-e-ġham jhuuT jaanā kis tarah
nāma-bar mazmūn-e-ḳhat meñ thā bahut hī kam ġhalat
haiñ havā.ī terī bāteñ terā sab kahnā hai jhuuT
ai sabā sābit huī terī ḳhabar har-dam ġhalat
un ke ab qaul-o-qasam hone lage kuchh-kuchh sahīh
un ke va.ade ab to kuchh hone lage kam-kam ġhalat
kaun se va.ade ko un ke jāniye dil meñ sahīh
qaul dete haiñ vo jhūTā dete haiñ vo dam ġhalat
'lutf' se jo kuchh kahā ab tak huā vo sab sahīh
saare va.ade aap ne jhūTe kiye paiham ġhalat
ji bahalta hai mohabbat mein kahin hamdam ghalat
kahne sunne se bhi hota hai kisi ka gham ghalat
aisi baaton ki tawaqqo' rakhiyega aghyar se
jhuT hum kahte hain tum se baat koi hum ghalat
us ne mera qissa-e-gham jhuT jaana kis tarah
nama-bar mazmun-e-KHat mein tha bahut hi kam ghalat
hain hawai teri baaten tera sab kahna hai jhuT
ai saba sabit hui teri KHabar har-dam ghalat
un ke ab qaul-o-qasam hone lage kuchh-kuchh sahih
un ke wade ab to kuchh hone lage kam-kam ghalat
kaun se wade ko un ke jaaniye dil mein sahih
qaul dete hain wo jhuTa dete hain wo dam ghalat
'lutf' se jo kuchh kaha ab tak hua wo sab sahih
sare wade aap ne jhuTe kiye paiham ghalat
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
