jina hai sab ke sath ki insan main bhi hun
jiinā hai sab ke saath ki insān maiñ bhī huuñ
chehre badal badal ke pareshān maiñ bhī huuñ
jhoñkā havā kā chupke se kānoñ meñ kah gayā
ik kāñpte diye kā nigahbān maiñ bhī huuñ
inkār ab tujhe bhī hai merī shanāḳht se
lekin na bhuul ye tirī pahchān maiñ bhī huuñ
āñkhoñ meñ manzaroñ ko jab ābād kar liyā
dil ne kiyā ye tanz ki vīrān maiñ bhī huuñ
apne sivā kisī se nahīñ dushmanī 'qamar'
har lamha ḳhud se dast o garebān maiñ bhī huuñ
jina hai sab ke sath ki insan main bhi hun
chehre badal badal ke pareshan main bhi hun
jhonka hawa ka chupke se kanon mein kah gaya
ek kanpte diye ka nigahban main bhi hun
inkar ab tujhe bhi hai meri shanaKHt se
lekin na bhul ye teri pahchan main bhi hun
aankhon mein manzaron ko jab aabaad kar liya
dil ne kiya ye tanz ki viran main bhi hun
apne siwa kisi se nahin dushmani 'qamar'
har lamha KHud se dast o gareban main bhi hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
