jine ka wasila bhi asbab bhi badlenge

jiine kā vasīla bhī asbāb bhī badleñge

maujoñ ko to badleñge sailāb bhī badleñge

tahzīb-o-tamaddun hī virse meñ mile ham ko

ham tum ko to badleñge ādāb bhī badleñge

me.aar badal degā ḳhud apnī haqīqat yuuñ

hāsil jo kiye vo sab alqāb bhī badleñge

ehsās-e-mohabbat meñ ye soch bhī shāmil kī

tū jis meñ na ho shāmil vo ḳhvāb bhī badleñge

sho.aloñ kī numā.ish meñ da.avā bhī ye shāmil thā

jo un ko bujhā.egā vo aab bhī badleñge

māñgo na duā 'shāhid' gardish se nikalne kī

hālāt badalte haiñ ahbāb bhī badleñge

jine ka wasila bhi asbab bhi badlenge

maujon ko to badlenge sailab bhi badlenge

tahzib-o-tamaddun hi wirse mein mile hum ko

hum tum ko to badlenge aadab bhi badlenge

mear badal dega KHud apni haqiqat yun

hasil jo kiye wo sab alqab bhi badlenge

ehsas-e-mohabbat mein ye soch bhi shamil ki

tu jis mein na ho shamil wo KHwab bhi badlenge

shoalon ki numaish mein dawa bhi ye shamil tha

jo un ko bujhaega wo aab bhi badlenge

mango na dua 'shahid' gardish se nikalne ki

haalat badalte hain ahbab bhi badlenge