jine ki har umang sulani paDi mujhe

jiine kī har umang sulānī paḌī mujhe

kāñdhe pe apnī laash uThānī paḌī mujhe

ġhaddār ham-safar the so kartā maiñ kyā bhalā

chaltī huī train jalānī paḌī mujhe

gahrā.ī uljhanoñ kī bulandī se jab dikhī

hāthoñ se apnī sīḌhī girānī paḌī mujhe

sūkhe gale kā soz fishār-e-lahū kā rog

kāñTe nigal ke pyaas bujhānī paḌī mujhe

jab vaqt kī davā se ifāqa na ho sakā

ashkoñ se terī yaad miTānī paḌī mujhe

'mansūr' jab bhī kaal paḌā kuchh ḳhayāl kā

misre meñ phir radīf nibhānī paḌī mujhe

jine ki har umang sulani paDi mujhe

kandhe pe apni lash uThani paDi mujhe

ghaddar ham-safar the so karta main kya bhala

chalti hui train jalani paDi mujhe

gahrai uljhanon ki bulandi se jab dikhi

hathon se apni siDhi girani paDi mujhe

sukhe gale ka soz fishaar-e-lahu ka rog

kanTe nigal ke pyas bujhani paDi mujhe

jab waqt ki dawa se ifaqa na ho saka

ashkon se teri yaad miTani paDi mujhe

'mansur' jab bhi kal paDa kuchh KHayal ka

misre mein phir radif nibhani paDi mujhe