jine lagta hai zindagi ke baghair

jiine lagtā hai zindagī ke baġhair

koī martā nahīñ kisī ke baġhair

shā'irī dard-e-zindagī ke baġhair

jaise ummat koī nabī ke baġhair

vo diye bhī havā ne dekh liye

jal rahe the jo raushnī ke baġhair

ham tirī aarzū ke daftar meñ

kaam karte haiñ salary ke baġhair

kitnī bāteñ haiñ jin ko dīvāne

kah nahīñ sakte ḳhāmushī ke baġhair

jī rahā huuñ maiñ hijr meñ aise

jaise changez ḳhaañ ḳhudī ke baġhair

ham se sīkho ki apnī marzī se

kaise marte haiñ ḳhud-kushī ke baġhair

phir mire zehn meñ ka.ī jinnāt

raqs karne lage parī ke baġhair

jine lagta hai zindagi ke baghair

koi marta nahin kisi ke baghair

sha'iri dard-e-zindagi ke baghair

jaise ummat koi nabi ke baghair

wo diye bhi hawa ne dekh liye

jal rahe the jo raushni ke baghair

hum teri aarzu ke daftar mein

kaam karte hain salary ke baghair

kitni baaten hain jin ko diwane

kah nahin sakte KHamushi ke baghair

ji raha hun main hijr mein aise

jaise changez KHan KHudi ke baghair

hum se sikho ki apni marzi se

kaise marte hain KHud-kushi ke baghair

phir mere zehn mein kai jinnat

raqs karne lage pari ke baghair