jit kar bazi-e-ulfat ko bhi haara jae
jit kar bazi-e-ulfat ko bhi haara jae
Abdul Rahman Khan Wasfi Bahraichi
MORE BYAbdul Rahman Khan Wasfi Bahraichi
jiit kar bāzī-e-ulfat ko bhī haarā jaa.e
is tarah husn ko shīshe meñ utārā jaa.e
ab to hasrat hai ki barbād kiyā hai jis ne
us kā dīvāna mujhe kah ke pukārā jaa.e
aap ke husn kī tausīf se maqsad hai mirā
naqsh-e-fitrat ko zarā aur ubhārā jaa.e
tum hī batlāo ki jab apne hī begāne haiñ
dahr meñ apnā kise kah ke pukārā jaa.e
zehn-e-ḳhuddār pe ye baar hī ho jaatā hai
ġhair ke sāmne dāman jo pasārā jaa.e
kitnī dushvār hai pābandi-e-ā.īn-e-vafā
aah bhī lab pe agar aa.e to maarā jaa.e
shab to kaT jā.egī yādoñ ke sahāre 'vasfī'
fikr is kī hai ki din kaise guzārā jaa.e
jit kar bazi-e-ulfat ko bhi haara jae
is tarah husn ko shishe mein utara jae
ab to hasrat hai ki barbaad kiya hai jis ne
us ka diwana mujhe kah ke pukara jae
aap ke husn ki tausif se maqsad hai mera
naqsh-e-fitrat ko zara aur ubhaara jae
tum hi batlao ki jab apne hi begane hain
dahr mein apna kise kah ke pukara jae
zehn-e-KHuddar pe ye bar hi ho jata hai
ghair ke samne daman jo pasara jae
kitni dushwar hai pabandi-e-ain-e-wafa
aah bhi lab pe agar aae to mara jae
shab to kaT jaegi yaadon ke sahaare 'wasfi'
fikr is ki hai ki din kaise guzara jae
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
