jite hue ghabraate hain ye log ajab hain

jiite hue ghabrāte haiñ ye log 'ajab haiñ

be-maut hī mar jaate haiñ ye log 'ajab haiñ

gardan pe chale teġh ki siine pe chale tiir

rote haiñ na chillāte haiñ ye log 'ajab haiñ

hañs hañs ke koī de to bilā-ḳhauf-o-taraddud

zahrāb bhī pī jaate haiñ ye log 'ajab haiñ

ḳhud masḳh-shuda chehre liye phirte haiñ lekin

ā.īna bhī dikhlāte haiñ ye log 'ajab haiñ

maġhmūm bhī hote haiñ to aate haiñ nazar shaad

'ġhālib' kī ġhazal gaate haiñ ye log 'ajab haiñ

sunte haiñ ki daanā haiñ magar aisī himāqat

dīvāne ko samjhāte haiñ ye log 'ajab haiñ

vahshat ke binā jaate haiñ sahrā kī taraf kyoñ

jaate haiñ to lauT aate haiñ ye log 'ajab haiñ

jite hue ghabraate hain ye log 'ajab hain

be-maut hi mar jate hain ye log 'ajab hain

gardan pe chale tegh ki sine pe chale tir

rote hain na chillate hain ye log 'ajab hain

hans hans ke koi de to bila-KHauf-o-taraddud

zahrab bhi pi jate hain ye log 'ajab hain

KHud masKH-shuda chehre liye phirte hain lekin

aaina bhi dikhlate hain ye log 'ajab hain

maghmum bhi hote hain to aate hain nazar shad

'ghaalib' ki ghazal gate hain ye log 'ajab hain

sunte hain ki dana hain magar aisi himaqat

diwane ko samjhate hain ye log 'ajab hain

wahshat ke bina jate hain sahra ki taraf kyon

jate hain to lauT aate hain ye log 'ajab hain