jin ki baaton mein koi KHam na mile

jin kī bātoñ meñ koī ḳham na mile

ḳhuub DhūñDhā ḳhudā-qasam na mile

un se mil kar to aa ga.e lekin

baa'd milne ke ham ko ham na mile

kaun tā-'umr ḳhush rahā hai yahāñ

kaun aisā hai jis ko ġham na mile

maiñ kahīñ hosh hī na kho baiThūñ

us se kahnā ki ek dam na mile

ham kahīñ pīchhe rah ga.e ḳhud se

vaqt ke saath ye qadam na mile

'umr kam hai to kyā huā ki hameñ

tajrabe zindagī se kam na mile

tab samajhnā ki kāmyāb ho tum

agar apnoñ kī aañkh nam na mile

bas yahī hai du'ā ḳhudā ham ko

jo zarūrat hai us se kam na mile

jin ki baaton mein koi KHam na mile

KHub DhunDha KHuda-qasam na mile

un se mil kar to aa gae lekin

ba'd milne ke hum ko hum na mile

kaun ta-'umr KHush raha hai yahan

kaun aisa hai jis ko gham na mile

main kahin hosh hi na kho baiThun

us se kahna ki ek dam na mile

hum kahin pichhe rah gae KHud se

waqt ke sath ye qadam na mile

'umr kam hai to kya hua ki hamein

tajrabe zindagi se kam na mile

tab samajhna ki kaamyab ho tum

agar apnon ki aankh nam na mile

bas yahi hai du'a KHuda hum ko

jo zarurat hai us se kam na mile