jinhen hum kah nahin pae wo baaten yaad aati hain

jinheñ ham kah nahīñ paa.e vo bāteñ yaad aatī haiñ

guzashta nā-mulāqātoñ kī yādeñ yaad aatī haiñ

kabhī vīrān rastoñ par kabhī tanhā.ī kī chup meñ

vo chehra baat kartā hai vo āñkheñ yaad aatī haiñ

kabhī aa.e nahīñ vo din jo aksar saath chalte haiñ

guzārī jo nahīñ ham ne vo rāteñ yaad aatī haiñ

jahāñ rakkhā nahīñ paañv vo rasta saath chaltā hai

jinheñ sochā nahīñ dil ne vo rāheñ yaad aatī haiñ

jinhen hum kah nahin pae wo baaten yaad aati hain

guzashta na-mulaqaton ki yaaden yaad aati hain

kabhi viran raston par kabhi tanhai ki chup mein

wo chehra baat karta hai wo aankhen yaad aati hain

kabhi aae nahin wo din jo aksar sath chalte hain

guzari jo nahin hum ne wo raaten yaad aati hain

jahan rakkha nahin panw wo rasta sath chalta hai

jinhen socha nahin dil ne wo rahen yaad aati hain