jinhen safar ke liye hausla nahin milta

jinheñ safar ke liye hausla nahīñ miltā

hujūm meñ bhī unheñ rāsta nahīñ miltā

burā na maan agar dekhne lagā huuñ tujhe

maiñ kyā karūñ ki mujhe aa.ina nahīñ miltā

lagī huī hai yūñhī dil ko hirs duniyā kī

vagarna un se jo māñgūñ to kyā nahīñ miltā

maiñ apne ghar se nikal kar kahāñ chalā aayā

ki shahr bhar meñ koī āshnā nahīñ miltā

azāb-e-jān banā hai ye shor-e-shahr-e-fishār

sukūñ ke vāste ab mai-kada nahīñ miltā

maiñ kyā kahūñ ki havā hī ḳhilāf hai mere

palaT ke aa.uuñ to dar bhī khulā nahīñ miltā

kahīñ se raushnī lā do vagarna ab 'ḳhālid'

vo ghar jalā.eñge jin ko diyā nahīñ miltā

jinhen safar ke liye hausla nahin milta

hujum mein bhi unhen rasta nahin milta

bura na man agar dekhne laga hun tujhe

main kya karun ki mujhe aaina nahin milta

lagi hui hai yunhi dil ko hirs duniya ki

wagarna un se jo mangun to kya nahin milta

main apne ghar se nikal kar kahan chala aaya

ki shahr bhar mein koi aashna nahin milta

azab-e-jaan bana hai ye shor-e-shahr-e-fishaar

sukun ke waste ab mai-kada nahin milta

main kya kahun ki hawa hi KHilaf hai mere

palaT ke aaun to dar bhi khula nahin milta

kahin se raushni la do wagarna ab 'KHalid'

wo ghar jalaenge jin ko diya nahin milta