jins-e-giran ka main hun KHaridar dosto

jins-e-girāñ kā maiñ huuñ ḳharīdār dosto

āḳhir kahāñ hai misr kā bāzār dosto

shā.ista-e-ḳhatā haiñ mirī be-gunāhiyāñ

nā-karda jurm kā huuñ sazā-vār dosto

un gumrahān-e-jāda-o-manzil kī ḳhair ho

rahbar na koī qāfila sālār dosto

pur-pech zindagī kī vo rāheñ ki al-amāñ

yaad aa gayā hai kākul-e-ḳhamdār dosto

ab tak talāsh kartī hai ta.amīr-e-kā.enāt

bazm-e-junūñ meñ ek thā hoshyār dosto

aayā hayāt-e-ishq kī azmat kā jab ḳhayāl

baḌh kar sadā dī maiñ ne sar-e-dār dosto

khul kar zabāñ se karte haiñ iz.hār-e-dushmanī

behtar haiñ aaj tum se ye aġhyār dosto

manzil to de rahī hai sadā aaj bhī magar

ḳhud ban gayā huuñ raah meñ dīvār dosto

jins-e-giran ka main hun KHaridar dosto

aaKHir kahan hai misr ka bazar dosto

shaista-e-KHata hain meri be-gunahiyan

na-karda jurm ka hun saza-war dosto

un gumrahan-e-jada-o-manzil ki KHair ho

rahbar na koi qafila salar dosto

pur-pech zindagi ki wo rahen ki al-aman

yaad aa gaya hai kakul-e-KHamdar dosto

ab tak talash karti hai tamir-e-kaenat

bazm-e-junun mein ek tha hoshyar dosto

aaya hayat-e-ishq ki azmat ka jab KHayal

baDh kar sada di main ne sar-e-dar dosto

khul kar zaban se karte hain izhaar-e-dushmani

behtar hain aaj tum se ye aghyar dosto

manzil to de rahi hai sada aaj bhi magar

KHud ban gaya hun rah mein diwar dosto