jis baat ka KHadsha tha wahi baat hui hai

jis baat kā ḳhadsha thā vahī baat huī hai

ghar duur bahut duur hai jab raat huī hai

tā-hadd-e-nazar vādī-e-vīrāñ kī zamīñ par

kal raat musalsal ghanī barsāt huī hai

pahle kabhī dekhā to nahīñ hai tumheñ lekin

mahsūs ye hotā hai mulāqāt huī hai

yuuñ ham ne sañvārī hai ye tahrīr-e-mohabbat

alfāz kī nuqtoñ kī mudārāt huī hai

sāhil pe jo pahuñchā mujhe dariyā ne sadā dī

is khel meñ pahle bhī tumheñ maat huī hai

ehsās-e-ġham-e-zāt ne chuppī sī lagā dī

jis vaqt zamāne se mulāqāt huī hai

jis baat ka KHadsha tha wahi baat hui hai

ghar dur bahut dur hai jab raat hui hai

ta-hadd-e-nazar wadi-e-viran ki zamin par

kal raat musalsal ghani barsat hui hai

pahle kabhi dekha to nahin hai tumhein lekin

mahsus ye hota hai mulaqat hui hai

yun hum ne sanwari hai ye tahrir-e-mohabbat

alfaz ki nuqton ki mudaraat hui hai

sahil pe jo pahuncha mujhe dariya ne sada di

is khel mein pahle bhi tumhein mat hui hai

ehsas-e-gham-e-zat ne chuppi si laga di

jis waqt zamane se mulaqat hui hai