jis baat ko sun kar tujhe taklif hui hai
jis baat ko sun kar tujhe taklīf huī hai
duniyā meñ usī baat kī tārīf huī hai
paiġhām-e-masarrat pe ḳhushī ḳhuub hai lekin
sunte haiñ ki ham-sā.e ko taklīf huī hai
bigḌe hue kuchh harf haiñ be-ma.anī se kuchh lafz
ye ziist ke aurāq kī tālīf huī hai
rūdād meñ aisī to koī baat nahīñ thī
maano ki na maano koī tahrīf huī hai
dushman pe bhī guzre na kabhī aisā zamāna
kaliyoñ ke chaTakne se bhī taklīf huī hai
likhtā thā qasīde to koī suntā nahīñ thā
likhne lagā jab hajv to tārīf huī hai
jis baat ko sun kar tujhe taklif hui hai
duniya mein usi baat ki tarif hui hai
paigham-e-masarrat pe KHushi KHub hai lekin
sunte hain ki ham-sae ko taklif hui hai
bigDe hue kuchh harf hain be-mani se kuchh lafz
ye zist ke auraq ki talif hui hai
rudad mein aisi to koi baat nahin thi
mano ki na mano koi tahrif hui hai
dushman pe bhi guzre na kabhi aisa zamana
kaliyon ke chaTakne se bhi taklif hui hai
likhta tha qaside to koi sunta nahin tha
likhne laga jab hajw to tarif hui hai
- Book : Auraaq (Pg. 49)
- Author : Vazeer Agha
- Publication : Office auraq. chouck Urdu Bazar, Lahore (Nov. Dec. 1974)
- Edition : Nov. Dec. 1974
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
