jis din se humne dekha hai tere shabab ko

jis din se ham ne dekhā hai tere shabāb ko

kuchh aur hī nigāh se dekhā sharāb ko

uljhe hue ho kis liye safhoñ meñ jān-e-man

jab paḌh liyā hai aap ne dil kī kitāb ko

dil ne tire laboñ kā tasavvur hī bas kiyā

hoñToñ se duur kar diyā ham ne gulāb ko

bhañvaroñ ne phuul chhoḌ ke dekhā hai is tarah

goyā taras rahe hoñ tumhāre javāb ko

achchhā huā zamīñ pe gire muñh ke bal habīb

ujlat meñ pī hī lete vagarna sarāb ko

gulshan se ḳhushbū jaane lagī hai ḳhizāñ kī samt

kuchh is adā se takne lage vo gulāb ko

jis din se hum ne dekha hai tere shabab ko

kuchh aur hi nigah se dekha sharab ko

uljhe hue ho kis liye safhon mein jaan-e-man

jab paDh liya hai aap ne dil ki kitab ko

dil ne tere labon ka tasawwur hi bas kiya

honTon se dur kar diya hum ne gulab ko

bhanwaron ne phul chhoD ke dekha hai is tarah

goya taras rahe hon tumhaare jawab ko

achchha hua zamin pe gire munh ke bal habib

ujlat mein pi hi lete wagarna sarab ko

gulshan se KHushbu jaane lagi hai KHizan ki samt

kuchh is ada se takne lage wo gulab ko