jis din se zindagi mein tera gham nahin raha

jis din se zindagī meñ tirā ġham nahīñ rahā

us din se merā ġham bhī koī kam nahīñ rahā

jab ham safar pe nikle to raste ulajh ga.e

raste sulajh ga.e haiñ to ab dam nahīñ rahā

aañsū nahīñ lahū thā jo is hijr meñ bahā

phir is ke baa'd aañkh meñ vo nam nahīñ rahā

sochā thā apne aap ko ham jānte kabhī

lekin shu.ūr-e-zāt kā mausam nahīñ rahā

jīvan kī ik Dagar se phisalte rahe haiñ log

is rahguzar pe koī kabhī jam nahīñ rahā

yuuñ to bahut se log mile ham ko ai 'sadaf'

mil ke chale to koī bhī hamdam nahīñ rahā

jis din se zindagi mein tera gham nahin raha

us din se mera gham bhi koi kam nahin raha

jab hum safar pe nikle to raste ulajh gae

raste sulajh gae hain to ab dam nahin raha

aansu nahin lahu tha jo is hijr mein baha

phir is ke ba'd aankh mein wo nam nahin raha

socha tha apne aap ko hum jaante kabhi

lekin shuur-e-zat ka mausam nahin raha

jiwan ki ek Dagar se phisalte rahe hain log

is rahguzar pe koi kabhi jam nahin raha

yun to bahut se log mile hum ko ai 'sadaf'

mil ke chale to koi bhi hamdam nahin raha