jis ghaDi lahja tumhaara Khaar jaisa ho gaya

jis ghaḌī lahja tumhārā ḳhaar jaisā ho gayā

dil bahut nāzuk thā merā reza reza ho gayā

kaise kahte ho ise tum ye vafā kī hai misāl

aa.ine meñ jo bhī aaya ye usī kā ho gayā

kis kā honā hai tumheñ ye hai tumhārā mas.ala

mujh ko honā thā kisī kā so tumhārā ho gayā

ek din jhagḌe kī 'ādat ham ko laa.ī thī qarīb

ek din is pe hī ham donoñ kā jhagḌā ho gayā

ik zarā āñkhoñ pe chashma lagnā baaqī thā mirī

saaf us ke baa'd to har ek chehra ho gayā

maiñ na kahtā thā faqat dīdār hai is kā 'ilāj

dekh tujh ko dekh kar bīmār achchhā ho gayā

sīḌhiyāñ shohrat kī chaḌhte dekh kar mujh ko 'asad'

dostoñ kā bhī mirī jānib nishāna ho gayā

jis ghaDi lahja tumhaara KHar jaisa ho gaya

dil bahut nazuk tha mera reza reza ho gaya

kaise kahte ho ise tum ye wafa ki hai misal

aaine mein jo bhi aaya ye usi ka ho gaya

kis ka hona hai tumhein ye hai tumhaara masala

mujh ko hona tha kisi ka so tumhaara ho gaya

ek din jhagDe ki 'adat hum ko lai thi qarib

ek din is pe hi hum donon ka jhagDa ho gaya

ek zara aankhon pe chashma lagna baqi tha meri

saf us ke ba'd to har ek chehra ho gaya

main na kahta tha faqat didar hai is ka 'ilaj

dekh tujh ko dekh kar bimar achchha ho gaya

siDhiyan shohrat ki chaDhte dekh kar mujh ko 'asad'

doston ka bhi meri jaanib nishana ho gaya