jis ka ji chahe faqiron ki dua le jae

jis kā jī chāhe faqīroñ kī duā le jaa.e

kal hameñ jaane kahāñ vaqt uThā le jaa.e

ḳhidmat-e-ḳhalq se hastī ko farozāñ kar le

kyā pata kaun sī zulmat meñ qazā le jaa.e

is liye koī jahāñ se na gayā kuchh le kar

kyā hai duniyā meñ koī saath bhī kyā le jaa.e

baañT de sab meñ ye ḳhushiyāñ jo milī haiñ tujh ko

is se pahle ki koī in ko churā le jaa.e

tū jise DhūñD rahā hai vo tire andar hai

ḳhud se milvāne tujhe kaun bhalā le jaa.e

āñdhiyāñ to na hilā pā.īñ tujhe 'rāz' magar

ab uḌā kar na kahīñ bād-e-sabā le jaa.e

jis ka ji chahe faqiron ki dua le jae

kal hamein jaane kahan waqt uTha le jae

KHidmat-e-KHalq se hasti ko farozan kar le

kya pata kaun si zulmat mein qaza le jae

is liye koi jahan se na gaya kuchh le kar

kya hai duniya mein koi sath bhi kya le jae

banT de sab mein ye KHushiyan jo mili hain tujh ko

is se pahle ki koi in ko chura le jae

tu jise DhunD raha hai wo tere andar hai

KHud se milwane tujhe kaun bhala le jae

aandhiyan to na hila pain tujhe 'raaz' magar

ab uDa kar na kahin baad-e-saba le jae