jis ke liye ye bazm sajai ba-sad-KHulus

jis ke liye ye bazm sajā.ī ba-sad-ḳhulūs

rasm-e-vafā bhī us ne nibhā.ī ba-sad-ḳhulūs

aa.e vo anjuman meñ to raunaq sī aa ga.ī

liije salām-e-dast-e-hinā.ī ba-sad-ḳhulūs

ab ye ġham-e-judā.ī nahīñ sah sakūñgī maiñ

ranj-o-alam se diije rihā.ī ba-sad-ḳhulūs

ḳhud ko sipurd sho.aloñ ke maiñ ne bhī kar diyā

us ne jafā kī aag lagā.ī ba-sad-ḳhulūs

ye vasl-shab to shikve shikāyat meñ kaT ga.ī

rūdād-e-ishq us ne sunā.ī ba-sad-ḳhulūs

ham ne bhī aaj apnī 'anā' kā rakhā bharam

us ne bhī aaj de dī rihā.ī ba-sad-ḳhulūs

jis ke liye ye bazm sajai ba-sad-KHulus

rasm-e-wafa bhi us ne nibhai ba-sad-KHulus

aae wo anjuman mein to raunaq si aa gai

lije salam-e-dast-e-hinai ba-sad-KHulus

ab ye gham-e-judai nahin sah sakungi main

ranj-o-alam se dije rihai ba-sad-KHulus

KHud ko sipurd shoalon ke main ne bhi kar diya

us ne jafa ki aag lagai ba-sad-KHulus

ye wasl-shab to shikwe shikayat mein kaT gai

rudad-e-ishq us ne sunai ba-sad-KHulus

hum ne bhi aaj apni 'ana' ka rakha bharam

us ne bhi aaj de di rihai ba-sad-KHulus