jis ki har baat mein qahqaha jazb tha main na tha dosto
jis ki har baat mein qahqaha jazb tha main na tha dosto
Bimal Krishn Ashk
MORE BYBimal Krishn Ashk
jis kī har baat meñ qahqaha jazb thā maiñ na thā dosto
vo jo hañstā hañsātā thā is shahr meñ ho liyā dosto
ek ek kar ke ahl-e-ilm chal diye shahr vīrān hai
ek le-de ke maiñ bach rahā huuñ so mujh meñ hai kyā dosto
ek do phuul the sukh ke Tahnī pe so vo bhī murjhā ga.e
varna is peḌ pe har samay har taraf rañg thā dosto
bā-vafā mehrbāñ sab ke sab shahr se ho chuke the bidā
jab yahāñ aa.e the ham vafā mehr kā kaal thā dosto
ek lamhe vo mujh paas chup-chāp sā baiTh kar uTh gayā
dil se uThtā rahā muddatoñ muddatoñ shor sā dosto
ham havas kī tarah ishq karte rahe ruuh bhī jism bhī
apnī bedāriyoñ kā sila ḳhvāb hī ḳhvāb thā dosto
ye na milnā bhī ik aur ehsān hai bevafā.ī nahīñ
haal dekhā na jaatā thā ahbāb se 'ashk' kā dosto
jis ki har baat mein qahqaha jazb tha main na tha dosto
wo jo hansta hansata tha is shahr mein ho liya dosto
ek ek kar ke ahl-e-ilm chal diye shahr viran hai
ek le-de ke main bach raha hun so mujh mein hai kya dosto
ek do phul the sukh ke Tahni pe so wo bhi murjha gae
warna is peD pe har samay har taraf rang tha dosto
ba-wafa mehrban sab ke sab shahr se ho chuke the bida
jab yahan aae the hum wafa mehr ka kal tha dosto
ek lamhe wo mujh pas chup-chap sa baiTh kar uTh gaya
dil se uThta raha muddaton muddaton shor sa dosto
hum hawas ki tarah ishq karte rahe ruh bhi jism bhi
apni bedariyon ka sila KHwab hi KHwab tha dosto
ye na milna bhi ek aur ehsan hai bewafai nahin
haal dekha na jata tha ahbab se 'ashk' ka dosto
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
