jis ko itna chaha maine jis ko ghazal mein likkha chand

jis ko itnā chāhā maiñ ne jis ko ġhazal meñ likkhā chāñd

chhoḌ gayā hai mujh ko kaise aaj vo merā apnā chāñd

apne chāñd kī sochoñ meñ gum baiThā thā tanhā.ī meñ

jaane mere dil ke suune āñgan meñ kab niklā chāñd

chhup jaa.e kabhī sāmne aa.e khele āñkh-micholī kyoñ

merī jaan mujhe lagtā hai bilkul tere jaisā chāñd

dukh ho sukh ho rañj ḳhushī ho mushkil ho yā āsānī

har mausam meñ saath nibhā.e merā yaar purānā chāñd

nafsā-nafsī kā aalam hai sab ko apnī fikr paḌī

apnī dhartī apnā ambar apnā sūraj apnā chāñd

chehroñ se ḳhushiyāñ ojhal haiñ aur ġhamoñ se dil bojhal

ab ke apne des meñ niklā iid pe jaane kaisā chāñd

jis ko itna chaha main ne jis ko ghazal mein likkha chand

chhoD gaya hai mujh ko kaise aaj wo mera apna chand

apne chand ki sochon mein gum baiTha tha tanhai mein

jaane mere dil ke sune aangan mein kab nikla chand

chhup jae kabhi samne aae khele aankh-micholi kyon

meri jaan mujhe lagta hai bilkul tere jaisa chand

dukh ho sukh ho ranj KHushi ho mushkil ho ya aasani

har mausam mein sath nibhae mera yar purana chand

nafsa-nafsi ka aalam hai sab ko apni fikr paDi

apni dharti apna ambar apna suraj apna chand

chehron se KHushiyan ojhal hain aur ghamon se dil bojhal

ab ke apne des mein nikla id pe jaane kaisa chand