jis mein ek husn-e-tawazun ho wo nudrat di jae

jis meñ ik husn-e-tavāzun ho vo nudrat dī jaa.e

kyā qabāhat hai agar fikr ko vus.at dī jaa.e

mashvare qābil-e-taslīm tire haiñ ki nahīñ

ġhaur karne ke liye kuchh mujhe mohlat dī jaa.e

maslahat jhuuT pe insān ko maa.il kar de

is qadar saḳht na tā'zīr-e-sadāqat dī jaa.e

is amal se dil-e-fankār pe kyā guzregī

le ke mahtāb agar sham.a kī qīmat dī jaa.e

saḳht mushkil hai ġhalat baat pe qaa.il karnā

ek do hoñ to unheñ fahm-o-basīrat dī jaa.e

baat to jab hai ki mamnūn-e-bahārāñ hoñ sabhī

phuul to phuul haiñ kāñToñ ko bhī nuz.hat dī jaa.e

chāra-e-ġham ke liye shart hai iḳhlās 'nasīr'

kaun hai shahr meñ aisā jise zahmat dī jaa.e

jis mein ek husn-e-tawazun ho wo nudrat di jae

kya qabahat hai agar fikr ko wusat di jae

mashware qabil-e-taslim tere hain ki nahin

ghaur karne ke liye kuchh mujhe mohlat di jae

maslahat jhuT pe insan ko mail kar de

is qadar saKHt na ta'zir-e-sadaqat di jae

is amal se dil-e-fankar pe kya guzregi

le ke mahtab agar shama ki qimat di jae

saKHt mushkil hai ghalat baat pe qail karna

ek do hon to unhen fahm-o-basirat di jae

baat to jab hai ki mamnun-e-bahaaran hon sabhi

phul to phul hain kanTon ko bhi nuzhat di jae

chaara-e-gham ke liye shart hai iKHlas 'nasir'

kaun hai shahr mein aisa jise zahmat di jae