jis ne jannat dikhlai hai pyar ka ek ma’ani de kar

jis ne jannat dikhlā.ī hai pyaar kā ek ma’ānī de kar

niklā huuñ maiñ use bhulāne nadī kināre paanī de kar

jis kī yādoñ ke jangal meñ maiñ banjāra bhaTak rahā huuñ

merā hāl-e-dil tum us se kahnā merī nishānī de kar

ek añgūThī phir jai-mālā saat vachan aur phere saat

ham tum ek ho rahe aise ik rishta rūmānī de kar

harf-harf sachchā hotā hai she'r qīmtī ho jaate haiñ

uulā misre ko chāhat ke mīThe-pan kā saanī de kar

ham ne maanā 'ishq meñ haare dīvāne mar jaate haiñ sau

ḳhud kī jaañ ham bachā rahe haiñ ḳhud ko hī nigarānī de kar

mushkilāt se phir apnoñ se phir ḳhud se laḌnā paḌtā hai

yā'nī 'ishq nahīñ miltā hai kabhī koī āsānī de kar

jis ne jannat dikhlai hai pyar ka ek ma’ani de kar

nikla hun main use bhulane nadi kinare pani de kar

jis ki yaadon ke jangal mein main banjara bhaTak raha hun

mera haal-e-dil tum us se kahna meri nishani de kar

ek anguThi phir jai-mala sat wachan aur phere sat

hum tum ek ho rahe aise ek rishta rumani de kar

harf-harf sachcha hota hai she'r qimti ho jate hain

ula misre ko chahat ke miThe-pan ka sani de kar

hum ne mana 'ishq mein haare diwane mar jate hain sau

KHud ki jaan hum bacha rahe hain KHud ko hi nigarani de kar

mushkilat se phir apnon se phir KHud se laDna paDta hai

ya'ni 'ishq nahin milta hai kabhi koi aasani de kar