jis qadar bhi phail jaun manzaron ke darmiyan

jis qadar bhī phail jā.ūñ manzaroñ ke darmiyāñ

āsmāñ to aa nahīñ saktā paroñ ke darmiyāñ

mere rone kī sadā jaatī nahīñ hamsā.e tak

aur kitnā fāsla ho do gharoñ ke darmiyāñ

hañs rahe haiñ dekh kar zaḳhm-e-junūñ kī vahshateñ

ghir ga.e ham ahl-e-dil kin masḳharoñ ke darmiyāñ

khīñch laa.ī zindagī ham ko bhare bāzār meñ

ham tamāshā ban ga.e bāzīgaroñ ke darmiyāñ

chaar jānib se hai dil par yūrish-e-ālām-o-ġham

ek ā.īna paḌā hai pattharoñ ke darmiyāñ

faisla honā hai āḳhir teġh aur dastār meñ

kashmakash baḌhne lagī hai ab saroñ ke darmiyāñ

manziloñ kā zikr kaise ho abhī to ḳhair se

raah kā jhagḌā paḌā hai rahbaroñ ke darmiyāñ

mashvara merā bhī sunte mashvaroñ ke darmiyāñ

uTThā baiThā maiñ bhī huuñ dīda-varoñ ke darmiyāñ

ham ne maane hī nahīñ jabr-o-sitam ke zābte

sar-buland 'āzar' rahe ham ḳhud-saroñ ke darmiyāñ

jis qadar bhi phail jaun manzaron ke darmiyan

aasman to aa nahin sakta paron ke darmiyan

mere rone ki sada jati nahin hamsae tak

aur kitna fasla ho do gharon ke darmiyan

hans rahe hain dekh kar zaKHm-e-junun ki wahshaten

ghir gae hum ahl-e-dil kin masKHaron ke darmiyan

khinch lai zindagi hum ko bhare bazar mein

hum tamasha ban gae bazigaron ke darmiyan

chaar jaanib se hai dil par yurish-e-alam-o-gham

ek aaina paDa hai pattharon ke darmiyan

faisla hona hai aaKHir tegh aur dastar mein

kashmakash baDhne lagi hai ab saron ke darmiyan

manzilon ka zikr kaise ho abhi to KHair se

rah ka jhagDa paDa hai rahbaron ke darmiyan

mashwara mera bhi sunte mashwaron ke darmiyan

uTTha baiTha main bhi hun dida-waron ke darmiyan

hum ne mane hi nahin jabr-o-sitam ke zabte

sar-buland 'azar' rahe hum KHud-saron ke darmiyan