jis taraf haal-e-junun mein tere diwane gae

jis taraf hāl-e-junūñ meñ tere dīvāne ga.e

pīchhe pīchhe pairvī meñ saare farzāne ga.e

imtihāñ kā vaqt hai aao madad ke vāste

phir na kahnā ham ġhalat nazroñ se pahchāne ga.e

shaiḳh-sāhab apnī izzat aap apne haath hai

mahfil-e-rindāñ meñ kyuuñ phir va.az farmāne ga.e

dekhiye is tarah paimān-e-vafā puurā huā

sham.a jab raushan huī marne ko parvāne ga.e

bulbul-o-gul kī kashish aur dast-e-gul-chīñ se gila

kyā vo samjhe jo chaman se sū-e-vīrāne ga.e

vo chaman meñ kyā ga.e goyā bahāreñ aa ga.iiñ

ham jidhar jaane lage haiñ saath vīrāne ga.e

zabt ne dekhā hai aisā vaqt bhī gulshan meñ jab

dād-ḳhvāhī ke liye gulchīñ se gul-ḳhane ga.e

jis taraf haal-e-junun mein tere diwane gae

pichhe pichhe pairwi mein sare farzane gae

imtihan ka waqt hai aao madad ke waste

phir na kahna hum ghalat nazron se pahchane gae

shaiKH-sahab apni izzat aap apne hath hai

mahfil-e-rindan mein kyun phir waz farmane gae

dekhiye is tarah paiman-e-wafa pura hua

shama jab raushan hui marne ko parwane gae

bulbul-o-gul ki kashish aur dast-e-gul-chin se gila

kya wo samjhe jo chaman se su-e-virane gae

wo chaman mein kya gae goya bahaaren aa gain

hum jidhar jaane lage hain sath virane gae

zabt ne dekha hai aisa waqt bhi gulshan mein jab

dad-KHwahi ke liye gulchin se gul-KHane gae