jis tarah waqt ki sarhad ka kinara hi na ho

jis tarah vaqt kī sarhad kā kinārā hī na ho

din usī taur guzārā ki guzārā hī na ho

tark-e-ulfat ko zamāna huā lekin ab tak

aisā lagtā hai tujhe dil se utārā hī na ho

chup rahe tū to lage jaise pukārā hai mujhe

jab pukāre to lage jaise pukārā hī na ho

soch lene se ġhazal sāḳhta ho jaatī hai

vo ġhazal pesh karo jis ko sañvārā hī na ho

log tajjār zamāne meñ bahut haiñ ab bhī

sochte haiñ jo mohabbat meñ ḳhasāra hī na ho

zindagī chāhiye sairāb nazar karne ko

varna ik-ādh jhalak se to guzārā hī na ho

'ābdī' TūTte taare nazar aa.e haiñ mujhe

ye zamīñ chhoḌ ke jaane kā ishāra hī na ho

jis tarah waqt ki sarhad ka kinara hi na ho

din usi taur guzara ki guzara hi na ho

tark-e-ulfat ko zamana hua lekin ab tak

aisa lagta hai tujhe dil se utara hi na ho

chup rahe tu to lage jaise pukara hai mujhe

jab pukare to lage jaise pukara hi na ho

soch lene se ghazal saKHta ho jati hai

wo ghazal pesh karo jis ko sanwara hi na ho

log tajjar zamane mein bahut hain ab bhi

sochte hain jo mohabbat mein KHasara hi na ho

zindagi chahiye sairab nazar karne ko

warna ik-adh jhalak se to guzara hi na ho

'abdi' TuTte tare nazar aae hain mujhe

ye zamin chhoD ke jaane ka ishaara hi na ho