jis waqt naha kar tu kisi jhil se nikle

jis vaqt nahā kar tū kisī jhiil se nikle

vo pal na mirī aañkh kī tahvīl se nikle

nam kar ga.iiñ kāġhaz ko tire hijr kī nazmeñ

is baab meñ aañsū baḌī tafsīl se nikle

arbāb-e-siyāsat se madad maañg ke kuchh log

is mulk se bāhar haiñ kisī Deal se nikle

auroñ ke liye vaj.h-e-tafāḳhur haiñ sar-e-dast

jo lā'l-o-guhar the mirī zambīl se nikle

ik baat thī qur.ān kī aayat to nahīñ thī

phir bhī jo ma'ānī mirī tāvīl se nikle

mat pūchh ki is baat kī jo mujh ko ḳhushī hai

aañsū haiñ har ik she'r kī takmīl se nikle

un ko bhī zamāne kī havā lag ga.ī 'yāvar'

vo lauT kar aa.e haiñ to tabdīl se nikle

jis waqt naha kar tu kisi jhil se nikle

wo pal na meri aankh ki tahwil se nikle

nam kar gain kaghaz ko tere hijr ki nazmen

is bab mein aansu baDi tafsil se nikle

arbab-e-siyasat se madad mang ke kuchh log

is mulk se bahar hain kisi Deal se nikle

auron ke liye wajh-e-tafaKHur hain sar-e-dast

jo la'l-o-guhar the meri zambil se nikle

ek baat thi quran ki aayat to nahin thi

phir bhi jo ma'ani meri tawil se nikle

mat puchh ki is baat ki jo mujh ko KHushi hai

aansu hain har ek she'r ki takmil se nikle

un ko bhi zamane ki hawa lag gai 'yawar'

wo lauT kar aae hain to tabdil se nikle