jise hai zoam ki usne hawa ke par bandhe

jise hai zo.am ki us ne havā ke par bāñdhe

agar hai dam to hamārī duā ke par bāñdhe

uThā.e haath azāb-o-balā ke par bāñdhe

ye kis duā ne kisī badduā ke par bāñdhe

huī na aaj bhī tauba ke TūTne kī sabīl

ḳhudā ne aaj bhī kaalī ghaTā ke par bāñdhe

koī to ho jo use rok le tabāhī se

koī to ho jo dil-e-mubtalā ke par bāñdhe

hamārī soch kī parvāz roknā thā muhāl

hamīñ ne jaan key baazī lagā ke par bāñdhe

ka.ī dinoñ se kisī kā salām hai na payām

mire adū key baazī lagā ke par bāñdhe

shifā key aas lagā.e marīz baiThā hai

duā ko haath uThā.e davā ke par bāñdhe

'hafīz' maut se luqmān bach sake kab tak

baḌe hakīm the kab tak qazā ke par bāñdhe

jise hai zoam ki us ne hawa ke par bandhe

agar hai dam to hamari dua ke par bandhe

uThae hath azab-o-bala ke par bandhe

ye kis dua ne kisi baddua ke par bandhe

hui na aaj bhi tauba ke TuTne ki sabil

KHuda ne aaj bhi kali ghaTa ke par bandhe

koi to ho jo use rok le tabahi se

koi to ho jo dil-e-mubtala ke par bandhe

hamari soch ki parwaz rokna tha muhaal

hamin ne jaan key bazi laga ke par bandhe

kai dinon se kisi ka salam hai na payam

mere adu key bazi laga ke par bandhe

shifa key aas lagae mariz baiTha hai

dua ko hath uThae dawa ke par bandhe

'hafiz' maut se luqman bach sake kab tak

baDe hakim the kab tak qaza ke par bandhe