jise humse mohabbat ho yahan par baiTh sakta hai

jise ham se mohabbat ho yahāñ par baiTh saktā hai

khulā dar hai koī bhī aa ke andar baiTh saktā hai

ziyāda bhī kisī bachche ko dhamkāna nahīñ varna

buḌhāpe tak ko us ke dil meñ ye Dar baiTh saktā hai

hamāre kahne se tum āb-o-dāna rakh ke to dekho

tumhārī chhat pe bhī aa kar kabūtar baiTh saktā hai

shajar haiñ ham to patthar khā ke bhī badle meñ phal deñge

hamārī chhāoñ meñ dushman bhī aa kar baiTh saktā hai

ġhamoñ ke virus ne dil hamārā aise jakḌā hai

zarā sā muskurāne se bhī server baiTh saktā hai

zamīñ par maḳhmalī chādar ho aur kursī pe kāñTe hoñ

to phir raajā bhī ḳhush ho kar zamīñ par baiTh saktā hai

kahīñ kā bhī nahīñ chhoḌegā ye jo 'ishq hai aasif

ise uñglī na pakḌānā ye sar par baiTh saktā hai

jise hum se mohabbat ho yahan par baiTh sakta hai

khula dar hai koi bhi aa ke andar baiTh sakta hai

ziyaada bhi kisi bachche ko dhamkana nahin warna

buDhape tak ko us ke dil mein ye Dar baiTh sakta hai

hamare kahne se tum aab-o-dana rakh ke to dekho

tumhaari chhat pe bhi aa kar kabutar baiTh sakta hai

shajar hain hum to patthar kha ke bhi badle mein phal denge

hamari chhaon mein dushman bhi aa kar baiTh sakta hai

ghamon ke wirus ne dil hamara aise jakDa hai

zara sa muskurane se bhi serwer baiTh sakta hai

zamin par maKHmali chadar ho aur kursi pe kanTe hon

to phir raja bhi KHush ho kar zamin par baiTh sakta hai

kahin ka bhi nahin chhoDega ye jo 'ishq hai aasif

ise ungli na pakDana ye sar par baiTh sakta hai