jise hunar hi nahin ghar ki sarbarahi ka

jise hunar hī nahīñ ghar kī sarbarāhī kā

vo roz dekhtā hai ḳhvāb bādshāhī kā

sabhī to karte haiñ dā'vā-e-pārsā.ī yahāñ

pata kisī ko nahīñ qalb kī siyāhī kā

uThī jo haq kī sadā to nikal paḌe ghar se

zarā bhī ḳhauf nahīñ gaañv kī tabāhī kā

ġhalat kahūñ to gunahgār sach kahūñ to burā

baḌā hī saḳht hai ye kaam bhī gavāhī kā

ye rāsta hai kabhī rāsta nahīñ thaktā

takān sirf muqaddar huā hai raahī kā

ye aur baat mujhe qaid kar do tum lekin

subūt rakhtā huuñ maiñ apnī be-gunāhī kā

bahut hasīñ hai tirā tarz-e-zindagī 'nāzir'

javāb koī nahīñ terī kaj-kulāhī kā

jise hunar hi nahin ghar ki sarbarahi ka

wo roz dekhta hai KHwab baadshahi ka

sabhi to karte hain da'wa-e-parsai yahan

pata kisi ko nahin qalb ki siyahi ka

uThi jo haq ki sada to nikal paDe ghar se

zara bhi KHauf nahin ganw ki tabahi ka

ghalat kahun to gunahgar sach kahun to bura

baDa hi saKHt hai ye kaam bhi gawahi ka

ye rasta hai kabhi rasta nahin thakta

takan sirf muqaddar hua hai rahi ka

ye aur baat mujhe qaid kar do tum lekin

subut rakhta hun main apni be-gunahi ka

bahut hasin hai tera tarz-e-zindagi 'nazir'

jawab koi nahin teri kaj-kulahi ka