jise nazron ki surat apni aankhon mein basaya tha

jise nazroñ kī sūrat apnī āñkhoñ meñ basāyā thā

usī ik ḳhvāb ne har moḌ par mujh ko rulāyā thā

tire ik qahqahe ne jis ko ik pal meñ girā Daalā

gharauñdā vo to maiñ ne apne ashkoñ se banāyā thā

ḳhushī se uḌte uḌte aa ga.e is shāḳh par bhañvre

jahāñ kāñToñ ne us kī maut kā sāmāñ sajāyā thā

sitārā ye zamīñ bhī āsmāñ kā ek TukḌā hai

jise roz-e-azal shāyad ḳhudā ne āzmāyā thā

mere hoñToñ pe 'bīnā' muskurāhaT yuuñ machaltī thī

ki maiñ ne hasratoñ ko apne sheroñ meñ chhupāyā thā

jise nazron ki surat apni aankhon mein basaya tha

usi ek KHwab ne har moD par mujh ko rulaya tha

tere ek qahqahe ne jis ko ek pal mein gira Dala

gharaunda wo to main ne apne ashkon se banaya tha

KHushi se uDte uDte aa gae is shaKH par bhanwre

jahan kanTon ne us ki maut ka saman sajaya tha

sitara ye zamin bhi aasman ka ek TukDa hai

jise roz-e-azal shayad KHuda ne aazmaya tha

mere honTon pe 'bina' muskurahaT yun machalti thi

ki main ne hasraton ko apne sheron mein chhupaya tha