jise paDi thi diye se diya jalane ki

jise paḌī thī diye se diyā jalāne kī

use bhī lag ga.ī āḳhir havā zamāne kī

qadam ba-ḳhāk-e-dayār-e-ġharīb ho jaa.e

ki lete jaa.eñ duā.eñ ġharīb-ḳhāne kī

qubūl kar liye maiñ ne tamām-tar ilzām

ye ek āḳhirī koshish thī ghar bachāne kī

ham aadmī haiñ ḳhatā-kār kyā zarūrat thī

phir āzmā.e hue log āzmāne kī

sukūt-e-gumbad-e-shāhāna meñ ḳhalal aaya

sunī hai guuñj saḳhāvat ke tāziyāne kī

vabā chalī hai koī shahr meñ to sab lauTe

sunī ga.ī mire vīrān āshiyāne kī

maiñ apne chehre kī chuntā huuñ kirchiyāñ 'shāhid'

sazā milī hai mujhe aa.ina banāne kī

jise paDi thi diye se diya jalane ki

use bhi lag gai aaKHir hawa zamane ki

qadam ba-KHak-e-dayar-e-gharib ho jae

ki lete jaen duaen gharib-KHane ki

qubul kar liye main ne tamam-tar ilzam

ye ek aaKHiri koshish thi ghar bachane ki

hum aadmi hain KHata-kar kya zarurat thi

phir aazmae hue log aazmane ki

sukut-e-gumbad-e-shahana mein KHalal aaya

suni hai gunj saKHawat ke taziyane ki

waba chali hai koi shahr mein to sab lauTe

suni gai mere viran aashiyane ki

main apne chehre ki chunta hun kirchiyan 'shahid'

saza mili hai mujhe aaina banane ki