jise tum dekh lo tirchhi nazar se

jise tum dekh lo tirchhī nazar se

bahe ḳhūn-e-jigar us chashm-e-tar se

agar kuchh be-ruḳhī paa.ī nazar se

lipaT jā.ūñgā qātil kī kamar se

pas-e-dīvār naale kis ne khīñche

nikal aa.e jo ghabrā ke vo ghar se

maiñ qaa.il kyoñ na huuñ apnī nigah kā

laḌī hai jā ke kis rashk-e-qamar se

mirī sūrat koī dekhe shab-e-vasl

udāsī muñh pe hai ḳhauf-e-sahar se

sivā is dil ke kis kā hausla hai

milā.e aañkh qātil kī nazar se

hazāroñ dil jigar hote haiñ pāmāl

nikal jaate haiñ vo jis rah-guzar se

hamesha garm ho pahlū adū kā

tirā jāñbāz ik bose ko tarse

ye haiñ kyā chiiz in ko kyoñ chhupā.eñ

dil-o-jāñ donoñ sadqe aap par se

taḌap kar kis tarah kaaTī haiñ ghaḌiyāñ

use tum pūchh lo dard-e-jigar se

shab-e-ġham hai jo milne kā irāda

ajal mil le zarā dard-e-jigar se

nigāheñ pher kar kahnā kisī kā

na dekho ham ko hasrat kī nazar se

unheñ le aa.egā samjhā bujhā kar

nahīñ ummīd ye paiġhāmbar se

jigar kahnā hai dil se haal apnā

dil apnā dard kahnā hai jigar se

'diler' apne to marg-e-ġhair par bhī

nikal paḌte haiñ aañsū chashm-e-tar se

jise tum dekh lo tirchhi nazar se

bahe KHun-e-jigar us chashm-e-tar se

agar kuchh be-ruKHi pai nazar se

lipaT jaunga qatil ki kamar se

pas-e-diwar nale kis ne khinche

nikal aae jo ghabra ke wo ghar se

main qail kyon na hun apni nigah ka

laDi hai ja ke kis rashk-e-qamar se

meri surat koi dekhe shab-e-wasl

udasi munh pe hai KHauf-e-sahar se

siwa is dil ke kis ka hausla hai

milae aankh qatil ki nazar se

hazaron dil jigar hote hain pamal

nikal jate hain wo jis rah-guzar se

hamesha garm ho pahlu adu ka

tera jaanbaz ek bose ko tarse

ye hain kya chiz in ko kyon chhupaen

dil-o-jaan donon sadqe aap par se

taDap kar kis tarah kaTi hain ghaDiyan

use tum puchh lo dard-e-jigar se

shab-e-gham hai jo milne ka irada

ajal mil le zara dard-e-jigar se

nigahen pher kar kahna kisi ka

na dekho hum ko hasrat ki nazar se

unhen le aaega samjha bujha kar

nahin ummid ye paighambar se

jigar kahna hai dil se haal apna

dil apna dard kahna hai jigar se

'diler' apne to marg-e-ghair par bhi

nikal paDte hain aansu chashm-e-tar se