jism-e-be-sar koi bismil koi fariyaadi tha

jism-e-be-sar koī bismil koī fariyādī thā

hashr-sāmāniyāñ thiiñ manzil-e-jānāñ ke qarīb

zau-fishāñ shams thā par us ko ḳhajil honā paḌā

un kā husn aa gayā jab mehr-e-daraḳhshāñ ke qarīb

ashk ban ban ke jo chamkā thā ufuq par barsoñ

vo sitārā nazar aayā tire mizhgāñ ke qarīb

tā.er-e-rūh ne parvāz kī dekh ai sayyād

tū gayā le ke qafas jab dar-e-zindāñ ke qarīb

maiñ to samjhā thā nasheman bhī jalā ḳhair huī

barq jab kauñd ke aa.ī thī gulistāñ ke qarīb

ātish-e-ishq bujhā.e na bujhī tā-ba-lahad

bhaḌkī dāman se to pahuñchī ye garebāñ ke qarīb

bū-e-gul dauḌ ke sadqe huī gesū pe 'zahīr'

aap aa.e jo kisī din chamanistāñ ke qarīb

jism-e-be-sar koi bismil koi fariyaadi tha

hashr-samaniyan thin manzil-e-jaanan ke qarib

zau-fishan shams tha par us ko KHajil hona paDa

un ka husn aa gaya jab mehr-e-daraKHshan ke qarib

ashk ban ban ke jo chamka tha ufuq par barson

wo sitara nazar aaya tere mizhgan ke qarib

taer-e-ruh ne parwaz ki dekh ai sayyaad

tu gaya le ke qafas jab dar-e-zindan ke qarib

main to samjha tha nasheman bhi jala KHair hui

barq jab kaund ke aai thi gulistan ke qarib

aatish-e-ishq bujhae na bujhi ta-ba-lahad

bhaDki daman se to pahunchi ye gareban ke qarib

bu-e-gul dauD ke sadqe hui gesu pe 'zahir'

aap aae jo kisi din chamanistan ke qarib