jism ka sara lahu aankhon mein bhar jaane diya

jism kā saarā lahū āñkhoñ meñ bhar jaane diyā

baat izzat par agar aa.ī to sar jaane diyā

saste logoñ ko palaT kar kuchh nahīñ bolā kabhī

ham ne kuchh logoñ ko un kī maut mar jaane diyā

pahle pahle to bahut rakkhā hayā kā ehtimām

rafta rafta phir use had se guzar jaane diyā

ham ne nā-fahmoñ se kar ke shā.erī par guftugū

rā.egāñ hargiz na lafzoñ kā hunar jaane diyā

us ne bas ik baar jaane ko kahā thā 'altamash'

rok sakte the use ham ne magar jaane diyā

jism ka sara lahu aankhon mein bhar jaane diya

baat izzat par agar aai to sar jaane diya

saste logon ko palaT kar kuchh nahin bola kabhi

hum ne kuchh logon ko un ki maut mar jaane diya

pahle pahle to bahut rakkha haya ka ehtimam

rafta rafta phir use had se guzar jaane diya

hum ne na-fahmon se kar ke shaeri par guftugu

raegan hargiz na lafzon ka hunar jaane diya

us ne bas ek bar jaane ko kaha tha 'altamash'

rok sakte the use hum ne magar jaane diya