jism ke bayaban mein dard ki dua mangen

jism ke bayābāñ meñ dard kī duā māñgeñ

phir kisī musāfir se raushnī zarā māñgeñ

kho ga.e kitāboñ meñ titliyoñ ke bāl-o-par

soch meñ haiñ ab bachche kyā chhupā.eñ kyā māñgeñ

za.afrānī khetoñ meñ ab makān ugte haiñ

kis tarah zamīnoñ se dil kā rābta māñgeñ

ham bhī ho ga.e shāmil masnūī tijārat meñ

ham ki chehra-sāmāñ the ab ke aa.inā māñgeñ

varna ilm nāmoñ kā uTh na jaa.e dhartī se

aadmī phale-phūle aao ye duā māñgeñ

is se peshtar ki ye raat muuñd le āñkheñ

nanhe-munne jugnū se raushnī zarā māñgeñ

vo sadā.eñ detā hai āḳhirī jazīre se

aur ham nigāhoñ kā husn-e-ibtidā māñgeñ

kis ke sāmne rakhiye khol kar razā apnī

aur kis se jaadū kā boltā diyā māñgeñ

jism ke bayaban mein dard ki dua mangen

phir kisi musafir se raushni zara mangen

kho gae kitabon mein titliyon ke baal-o-par

soch mein hain ab bachche kya chhupaen kya mangen

zafrani kheton mein ab makan ugte hain

kis tarah zaminon se dil ka rabta mangen

hum bhi ho gae shamil masnui tijarat mein

hum ki chehra-saman the ab ke aaina mangen

warna ilm namon ka uTh na jae dharti se

aadmi phale-phule aao ye dua mangen

is se peshtar ki ye raat mund le aankhen

nanhe-munne jugnu se raushni zara mangen

wo sadaen deta hai aaKHiri jazire se

aur hum nigahon ka husn-e-ibtida mangen

kis ke samne rakhiye khol kar raza apni

aur kis se jadu ka bolta diya mangen