jism ki dastaras se niklenge
jism kī dastaras se nikleñge
ek din ham qafas se nikleñge
gar mujhe aur mil gayā to kyā
us ke rishte bhī das se nikleñge
muñh na khulvā.īye pare haTiye
laakh sho.ale nafas se nikleñge
shā.erī meñ bhī hoñT āñkheñ lab
zehn kab is havas se nikleñge
ye musāfir haiñ shohratoñ ke dost
sab ke sab pahlī bus se nikleñge
mujh bure shaḳhs se bhī mil kar dekh
zā.iqe nīm-ras se nikleñge
jism ki dastaras se niklenge
ek din hum qafas se niklenge
gar mujhe aur mil gaya to kya
us ke rishte bhi das se niklenge
munh na khulwaiye pare haTiye
lakh shoale nafas se niklenge
shaeri mein bhi honT aankhen lab
zehn kab is hawas se niklenge
ye musafir hain shohraton ke dost
sab ke sab pahli bus se niklenge
mujh bure shaKHs se bhi mil kar dekh
zaiqe nim-ras se niklenge
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
