jism par hum koi diwar uThane lag jaen

jism par ham koī dīvār uThāne lag jaa.eñ

saaya saaya tire raste meñ bichhāne lag jaa.eñ

paane lag jaa.eñ tujhe shahr kī ābādī meñ

phir tire saath kisī dasht meñ jaane lag jaa.eñ

ham ko darpesh hai duniyā kā safar āḳhir-e-kār

apnī āñkhoñ meñ na.e ḳhvāb sajāne lag jaa.eñ

un kamānoñ se nikalte hue tīroñ kī qasam

mere siine kī taraf saare nishāne lag jaa.eñ

ek pal hī ke liye ham use socheñ aur phir

jism ko ruuh kā ehsās karāne lag jaa.eñ

jism par hum koi diwar uThane lag jaen

saya saya tere raste mein bichhane lag jaen

pane lag jaen tujhe shahr ki aabaadi mein

phir tere sath kisi dasht mein jaane lag jaen

hum ko darpesh hai duniya ka safar aaKHir-e-kar

apni aankhon mein nae KHwab sajaane lag jaen

un kamanon se nikalte hue tiron ki qasam

mere sine ki taraf sare nishane lag jaen

ek pal hi ke liye hum use sochen aur phir

jism ko ruh ka ehsas karane lag jaen