jism se dur the ki lat bhi to lag sakti thi

jism se duur the ki lat bhī to lag saktī thī

ham ko is khel kī aadat bhī to lag saktī thī

jab gale mere musībat hī koī lagnī thī

to gale se ye mohabbat bhī to lag saktī thī

un ko har haal mirā qatl thā karnā varna

mere īmān kī qīmat bhī to lag saktī thī

kam se kam naam nadāmat se na leñ bachche mere

mujh se aisī koī tohmat bhī to lag saktī thī

saikḌoñ baar lagī haath ye ġham kī daulat

ik dafa haath masarrat bhī to lag saktī thī

dostī tum se baḌhāne meñ ye ḳhatra thā mujhe

dostī tum ko mohabbat bhī to lag saktī thī

jaise duniyā kī tumheñ āb-o-havā raas aa.ī

tum ko achchhī mirī sohbat bhī to lag saktī thī

maiñ ne is Dar se bulāyā nahīñ milne tanhā

tum ko khoTī mirī niyyat bhī to lag saktī thī

jism se dur the ki lat bhi to lag sakti thi

hum ko is khel ki aadat bhi to lag sakti thi

jab gale mere musibat hi koi lagni thi

to gale se ye mohabbat bhi to lag sakti thi

un ko har haal mera qatl tha karna warna

mere iman ki qimat bhi to lag sakti thi

kam se kam nam nadamat se na len bachche mere

mujh se aisi koi tohmat bhi to lag sakti thi

saikDon bar lagi hath ye gham ki daulat

ek dafa hath masarrat bhi to lag sakti thi

dosti tum se baDhane mein ye KHatra tha mujhe

dosti tum ko mohabbat bhi to lag sakti thi

jaise duniya ki tumhein aab-o-hawa ras aai

tum ko achchhi meri sohbat bhi to lag sakti thi

main ne is Dar se bulaya nahin milne tanha

tum ko khoTi meri niyyat bhi to lag sakti thi