jitna barham waqt tha utne hi KHud-sar hum bhi the

jitnā barham vaqt thā utne hī ḳhud-sar ham bhī the

mauj-e-tūfāñ thā agar pal pal to patthar ham bhī the

kaash koī ik uchaTtī sī nazar hī Dāltā

chuur the zaḳhmoñ se lekin ek manzar ham bhī the

gar vabāl-e-dosh thā sar haath meñ tesha bhī thā

ik taraf se to nasībe ke sikandar ham bhī the

ḳhud-shanāsī kā bhalā ho raakh kī chuTkī haiñ aaj

varna ik raḳhshanda-o-tābinda gauhar ham bhī the

sat.h-bīiñ the log kyā paate hamārī vus.ateñ

jhāñktā dil meñ koī to ik samundar ham bhī the

chaḌhte sūraj kī parastish go thā duniyā kā usuul

ham kisī ko pūjte kaise ki 'ḳhāvar' ham bhī the

jitna barham waqt tha utne hi KHud-sar hum bhi the

mauj-e-tufan tha agar pal pal to patthar hum bhi the

kash koi ek uchaTti si nazar hi Dalta

chur the zaKHmon se lekin ek manzar hum bhi the

gar wabaal-e-dosh tha sar hath mein tesha bhi tha

ek taraf se to nasibe ke sikandar hum bhi the

KHud-shanasi ka bhala ho rakh ki chuTki hain aaj

warna ek raKHshanda-o-tabinda gauhar hum bhi the

sath-biin the log kya pate hamari wusaten

jhankta dil mein koi to ek samundar hum bhi the

chaDhte suraj ki parastish go tha duniya ka usul

hum kisi ko pujte kaise ki 'KHawar' hum bhi the