jitne achchhe log hain wo mujhse wabasta rahe

jitne achchhe log haiñ vo mujh se vābasta rahe

mere saare bol un ke lab se paivasta rahe

sab parinde lā rahe haiñ āsmānoñ se ḳhabar

mere ghar āñgan meñ aa kar kab vo par-basta rahe

vo tarīq-e-ḳhauf-o-dahshat par amal-pairā sahī

maiñ ye kahtā huuñ ki qatl-o-ḳhūñ bhī shā.ista rahe

bāvajūd-e-ham-nashīnī us se kuchh paayā na faiz

dil bhī āzurda rahā hālāt bhī ḳhasta rahe

kam se kam baaqī rahe sab ke diloñ meñ rasm-o-rāh

ye munāsib hai gharoñ ke darmiyāñ rasta rahe

sarhad-e-imkāñ se aage thiiñ yahī tārīkiyāñ

kyā zarūrī hai añdherā har jagah Dastā rahe

umr-bhar karte rahe 'almās' milne se gurez

kījiye tahqīq kyuuñ vo raaz sar-basta rahe

jitne achchhe log hain wo mujh se wabasta rahe

mere sare bol un ke lab se paiwasta rahe

sab parinde la rahe hain aasmanon se KHabar

mere ghar aangan mein aa kar kab wo par-basta rahe

wo tariq-e-KHauf-o-dahshat par amal-paira sahi

main ye kahta hun ki qatl-o-KHun bhi shaista rahe

bawajud-e-ham-nashini us se kuchh paya na faiz

dil bhi aazurda raha haalat bhi KHasta rahe

kam se kam baqi rahe sab ke dilon mein rasm-o-rah

ye munasib hai gharon ke darmiyan rasta rahe

sarhad-e-imkan se aage thin yahi tarikiyan

kya zaruri hai andhera har jagah Dasta rahe

umr-bhar karte rahe 'almas' milne se gurez

kijiye tahqiq kyun wo raaz sar-basta rahe