jitne dhage yaadon ke the baDhte baDhte jal hue

jitne dhāge yādoñ ke the baḌhte baḌhte jaal hue

aaj kā din phir lauT aayā hai ham phir se behāl hue

kitnī bahāreñ guzrīñ jaane kitnī ḳhizā.eñ biit ga.iiñ

kaun gine ab mausam itne us se bichhḌe saal hue

ek yahī thī daulat apnī vo bhī kis ne chhīnī hai

kyā batlā.eñ us ko kho kar ham kaise kañgāl hue

jaane kis ne boyā thā ye ġham kā biij adāvat meñ

saare paude sūkhe lekin us pe phal har saal hue

sub.h ugī ḳhāmoshī se aur din bhī gayā hai fursat se

jaatī shaam ke lamhe lekin ab jī kā janjāl hue

jitne dhage yaadon ke the baDhte baDhte jal hue

aaj ka din phir lauT aaya hai hum phir se behaal hue

kitni bahaaren guzrin jaane kitni KHizaen bit gain

kaun gine ab mausam itne us se bichhDe sal hue

ek yahi thi daulat apni wo bhi kis ne chhini hai

kya batlaen us ko kho kar hum kaise kangal hue

jaane kis ne boya tha ye gham ka bij adawat mein

sare paude sukhe lekin us pe phal har sal hue

subh ugi KHamoshi se aur din bhi gaya hai fursat se

jati sham ke lamhe lekin ab ji ka janjal hue