jitne the tere jalwe sab ban gae but-KHane

jitne the tire jalve sab ban ga.e but-ḳhāne

ab chashm-e-tamāshā.ī kyuuñ kar tujhe pahchāne

asrār haqīqat ke samjhe nahīñ farzāne

taqsīr to thī un kī maare ga.e dīvāne

mastān-e-mohabbat ne duniyā meñ yahī dekhā

TuuTe hue paimāne TuuTe hue mai-ḳhāne

phūloñ kī hañsī se bhī dil jin kā nahīñ khiltā

un ko bhī hañsāte haiñ hañste hue paimāne

vo haal sunā.ūñ kyā jo ġhair-mukammal hai

ab tak kī to maiñ jānūñ aage kī ḳhudā jaane

jhagḌā na kabhī uThtā tū-tū na kabhī hotī

kuchh shaiḳh hai dīvāna kuchh riñd haiñ dīvāne

vo mujh pe karam-farmā hogā ki nahīñ hogā

yā us ko ḳhudā jaane yā merī qazā jaane

ham kahte rahe jab tak rūdād mohabbat kī

hañste rahe farzāne rote rahe dīvāne

samjhā thā jinheñ apnā jab un kī ravish ye hai

auroñ kī shikāyat kyā begāne to begāne

vahshat to nahīñ mujh ko ai 'josh' magar phir bhī

yaad aate haiñ rah rah kar chhoḌe hue vīrāne

jitne the tere jalwe sab ban gae but-KHane

ab chashm-e-tamashai kyun kar tujhe pahchane

asrar haqiqat ke samjhe nahin farzane

taqsir to thi un ki mare gae diwane

mastan-e-mohabbat ne duniya mein yahi dekha

TuTe hue paimane TuTe hue mai-KHane

phulon ki hansi se bhi dil jin ka nahin khilta

un ko bhi hansate hain hanste hue paimane

wo haal sunaun kya jo ghair-mukammal hai

ab tak ki to main jaanun aage ki KHuda jaane

jhagDa na kabhi uThta tu-tu na kabhi hoti

kuchh shaiKH hai diwana kuchh rind hain diwane

wo mujh pe karam-farma hoga ki nahin hoga

ya us ko KHuda jaane ya meri qaza jaane

hum kahte rahe jab tak rudad mohabbat ki

hanste rahe farzane rote rahe diwane

samjha tha jinhen apna jab un ki rawish ye hai

auron ki shikayat kya begane to begane

wahshat to nahin mujh ko ai 'josh' magar phir bhi

yaad aate hain rah rah kar chhoDe hue virane