jo apne KHwab ki takmil karna chahte hain

jo apne ḳhvāb kī takmīl karnā chāhte haiñ

mire mizāj ko tabdīl karnā chāhte haiñ

koī sune na sune phir bhī har sadā apnī

ham in fazāoñ meñ tahlīl karnā chāhte haiñ

ye chāhte haiñ ki har ashk ik charāġh bane

ham apnī āñkhoñ ko qindīl karnā chāhte haiñ

vo jin kī koī bhī tāvīl mo'atabar na huī

vo pesh phir na.ī tāvīl karnā chāhte haiñ

jo muntaḳhab hue ta.amīl-e-hukm karne ko

ham un ke hukm kī ta.amīl karnā chāhte haiñ

jo apne KHwab ki takmil karna chahte hain

mere mizaj ko tabdil karna chahte hain

koi sune na sune phir bhi har sada apni

hum in fazaon mein tahlil karna chahte hain

ye chahte hain ki har ashk ek charagh bane

hum apni aankhon ko qindil karna chahte hain

wo jin ki koi bhi tawil mo'atabar na hui

wo pesh phir nai tawil karna chahte hain

jo muntaKHab hue tamil-e-hukm karne ko

hum un ke hukm ki tamil karna chahte hain